ഓണം വന്നേ...

ഓണത്തപ്പന്‍വരവുണ്ടേ

ഓണം കേറാ മൂലയിലെല്ലാം

ഓണക്കിളിയുടെ വരവുണ്ടേ..

ഓണപ്പൂവിന്‍പരിമണംമുണ്ടേ...

കണ്ണുപൊത്തിക്കളി  സാറ്റുകളി

തുമ്പിതുള്ളിക്കളി ഊഞ്ഞാലാട്ടം

അടിച്ചോടിപ്പിടുത്തം  അരങ്ങു തകര്‍ക്കും

 തലപ്പന്തു കളിയുടെ തരികിടയുണ്ടേ.

ഇരുത്തം വന്നൊരു ഇട്ടൂലിക്കളിയും

ഇനിയെങ്ങും കാണാത്ത കുടമൂത്തുകളിയും.

പഴമക്കാരുടെ പകിടകളിയും

ഓണക്കളികളിലൊന്നാമതാണേ.

ഓണത്തപ്പനെ വരവേല്‍ക്കാന്‍

തച്ചനൊരുക്കും വള്ളത്തേലൊരു

വള്ളംകളിയുടെ ആര്‍പ്പുണ്ടേ.

വള്ള സദ്യക്കൊരു വിളിയുണ്ടേ.

ഓണക്കോടിയുടുത്തു  കുട്ടികള്‍

മുറ്റം നിറയെപ്പൂക്കളമിട്ടേ.

മുത്തശ്ശി കച്ച മുറുക്കിയുടുത്തു

 നടുമുറ്റത്തൊരു  വിളക്കുവെച്ചു.

വിളക്കുചുറ്റി വളകിലുക്കി

വടക്കം പാട്ടിന്റെ ഈരടിപാടി.

ചുവടുവെച്ചൊരു  കളിതുടങ്ങി.

കുമ്മിയടിപ്പാട്ടു പാടിക്കൊണ്ട്

തിരുവാതിരക്കളി തിരുവോണത്തിന്

തനതായൊരു കളിയാണല്ലോ..

തത്തിമി തകതിമി തത്തൈയ്യം പാടി

പാടിക്കളിക്കു കൂട്ടുകാരെ.