എണ്ണമെടുക്കാനതാ പോലീസു വന്നേ
എത്തി നോക്കിക്കൊണ്ടോടുന്നു കുഞ്ഞുങ്ങള്‍
കാക്കിയുടുപ്പിട്ട പോലീസിനെക്കണ്ടു
കാഷ്ടിച്ച നിക്കറിട്ടോടി ചിലരതാ..
വട്ടം പിടിച്ചു ചിലര്‍ സാറിന്‍റ മുണ്ടിന്മേല്‍
കൂട്ടിപ്പിടിച്ചു ചിലര്‍ ടീച്ചറിന്‍ സാരിയില്‍
ബഞ്ചിന്‍റ കീഴെപ്പതുങ്ങി ചിലരതാ,
വാതിലിന്‍ പുറകിലൊളിച്ചു ചിലര്‍ മുന്നേ.
നിക്കറില്‍ മുള്ളിയ കുഞ്ഞുങ്ങളെക്കണ്ടു
നിന്ന നില്പില്‍ തന്നെ നിന്നുപോയ് പോലീസും
പണ്ടു കംസനോടോതിയ വാക്കു ഞാന്‍
വീണ്ടുമൊന്നിവിടെ വീറോടെ ഓതട്ടെ
“ ഈ പരാക്രമം പിഞ്ചു കുഞ്ഞുങ്ങളോടല്ല വേണ്ടു”
