മണ്ണ്

മണ്ണിലേക്കിറങ്ങിടുക മക്കളെ ,
മണ്‍വെട്ടിയെടുത്തീടുക മക്കളെ ,
മതികെട്ടു പണിയെടുത്തിടുക , മക്കളെ
മണ്ണിനെ സ്നേഹിച്ചു മതി വരുവോളം
പൊന്നു വിളയിക്കൂ മണ്ണിന്‍റെ മക്കളെ .
മണ്ണിനെ സ്നേഹിച്ചില്ലാ , നിങ്ങളൊരിക്കലും
മണ്‍ ചിരാതിന്‍വെളിച്ചവും കണ്ടില്ലാ
കുംപ്യുട്ടെര്‍ സ്ക്രീനിതില്‍ , കണ്ണാലെപടവെട്ടി
മജ്ജവറ്റി മനസ്സു പതറി
മസ്തിഷ്കത്തിന്‍ ചുവടു തെറ്റി
മതിയാവോളം പണിയെടുത്തു
മാംസ ചണ്ടിയായി മാറി നിങ്ങള്‍
തമസ്സില്‍ തപ്പിത്തടഞ്ഞു നിങ്ങള്‍ .
ഇനി മണ്ണിലേക്കു തിരിച്ചു വന്നീടുക
മണ്ണിന്‍റെ മണം നുകര്ന്നീടുക